2. Atún (castelán: atún): Peixe da
familia dos escómbridos
(Thunnus thynnus), de corpo
fusiforme e tamaño grande,
aletas pectorais pequenas, cor
azul escura no lombo e prateada
no ventre, moi apreciado pola
súa carne que se consome
xeralmente en conserva.
Bonito (castelán: bonito):
Peixe da familia dos
escómbridos de corpo
alongado, tamaño grande e
xeralmente de cor azul
escura prateada, que se
consome fresco ou en
conserva e do que existen
varias especies.
3. Bacallau (castelán: bacalao): Peixe da familia dos gádidos (Gadus morhua),
de ata un metro e medio de tamaño, propio de mares fríos, de pel verdosa con
manchas castañas claras no dorso, moi apreciado pola súa carne, que adoita
conservarse salgándoa e secándoa.
4. Congro (castelán: congrio):
Peixe mariño da orde dos
angüiliformes (Conger conger),
de corpo alongado e cilíndrico,
boca grande coa maxila superior
saínte, pel viscosa e sen escamas
e cor cincenta ou negra no dorso
e abrancazada no ventre.
5. Dourada (castelán: dorada): Peixe da familia
dos espáridos (Sparus aurata), de corpo alto e
estreito, de cor azulada no dorso, prateada nos
flancos e cunha pinta negra na parte superior
do opérculo.
6. Linguado (castelán: lenguado): Peixe mariño da superorde dos
teleósteos (Solea vulgaris), co corpo oval e aplanado, que ten as
aletas dorsal e anal unidas case á caudal e cor parda con manchas
escuras.
7. Morea (castelán: morena): Peixe da familia dos murénidos (Muraena
helena), de corpo alongado, boca e dentes grandes, de cor castaña
con manchas que vive nos fondos rochosos.
8. Ollomol (castelán: besugo): Peixe mariño da
familia dos espáridos (Pagellus bogaraveo), do
corpo alongado e comprimido lateralmente,
ollos grandes e brandos, de cor rosada nos
costados e no ventre e cunha mancha escura
onda as aletas laterais, moi apreciado pola
súa carne branca e saborosa.
9. Peixe espada (castelán: pez espada): Peixe da familia
dos xífidos (Xiphias gladius), coa mandíbula superior
prolongada en forma de espada, dorso azul escuro e
costado e ventre prateados.
10. Peixe anxo (castelán: pez ángel): Peixe da familia dos
escuatínidos (Squatina squatina), de figura semellante á dunha
raia, cor acastañada con manchas escuras no dorso e
abrancazada no ventre O peixe anxo pode alcanzar unha
lonxitude de dous metros .
11. Peixe lúa (castelán: pez luna): Peixe da
familia dos mólidos (Mola mola), de ata tres
metros de lonxitude, corpo arredondado,
boca pequena cun dente en cada mandíbula,
aletas dorsal e anal triangulares e cor gris
apardazada .
12. Peixe guitarra (castelán: pez guitarra): Peixe
da familia dos rinobátidos (Rhinobatos
rhinobatos), de corpo alongado, fusiforme,
coa cabeza achatada e aguzada, de cor
castaña tirando a amarela no lombo e
abrancazada no ventre O peixe guitarra vive
en augas pouco profundas .
13. Peixe martelo (castelán:
pez martillo): Peixe da
familia dos esfírnidos
(Sphyrna zygaena), de
cabeza achatada e
alongada en dous lobos, no
extremo dos cales se
encontran os ollos.
14. Peixe pau (castelán: pez palo): Peixe da familia
dos gádidos (Molva dipterigia) de ata cento
trinta centímetros de lonxitude, corpo alongado,
dúas aletas dorsais, a primeira triangular, e cor
cobre cos flancos azuis prateados e o ventre
abrancazado .
15. Peixe rei (castelán: pez rey): Peixe da familia dos serránidos
(Anthias anthias), de cor rosada no lombo e nos costados, con tres
bandas amarelas na cabeza que se estenden pola primeira parte do
corpo e terceiro radio da aleta dorsal moi longo.
16. Peixe serra (castelán: pez sierra): Peixe da familia dos
prístidos (Pristis pristis), de corpo lixeiramente achatado
e fociño prolongado nunha lámina cartilaxinosa estreita e
plana, bordeada dunha ringleira de dentes fortes e
aguzados. O peixe serra é propio do mar Mediterráneo .
17. Peixe voador (castelán: pez volador): Peixe da
superorde dos teleósteos (Chilopogon heterurus), de
corpo alongado e aplanado pola barriga, aletas
pectorais moi desenvolvidas coas que pode voar a
certa altura da superficie do mar, lóbulo inferior da
cola máis longo ca a superior e cor azulada no dorso
e prateada no ventre.
18. Pescada ou pixota (castelán: merluza): Peixe mariño da superorde
dos teleósteos (Merlucius merlucius), de ata cento vinte centímetros
de lonxitude, corpo alongado, dúas aletas dorsais e unha anal, e cor
cincenta no lombo e case branca no ventre .
19. Sardiña (castelán: sardina): Peixe da familia
dos clupeidos (Sardina pilchardus), duns vinte
e cinco centímetros, de cor azul verdosa no
lombo e prateada no ventre, que vive en
cardumes.
20. Tiburón (castelán: tiburón): Peixe mariño da subclase
dos elasmobranquios, de corpo fusiforme, boca ventral,
arqueada e provista de varias filas de dentes cortantes,
do que existen distintas familias e arredor de trescentas
especies, algunhas delas de gran tamaño.
21. Xurelo (castelán: jurel): Peixe mariño da familia dos caránxidos
(Trachurus trachurus), de cor gris verdosa polo lombo e gris
prateada polos costados, cunha banda de escamas en cada un, que
vive en cardumes e abunda no Atlántico.