1. PEDRA DAS PROCESIÓNS. PETRÓGLIFOS DE AGUA DA LAXE.

2. Nos petróglifos de Agua da Laxe -Vincios-, na Pedra
da Procesións, podedes admirar o principal conxunto
de armas prehistóricas gravadas en pedra de toda
Europa (que dende o seu descubrimento -hai uns
vintecinco anos ten fascinados aos investigadores-).
Trátase dunha colección de trinta puñais, escudos,
alabardas (de inicios do Bronce) e unha impresionante
espada -que chama poderosamente a atención polo
seu considerable tamaño- (probablemente de cronoloxía posterior -Bronce Final-).

6. Como “Pedra das Procesións” coñecíase (polos lugareños de Vincios e Gondomar que frecuentaban a serra do Galiñeiro) á superficie máis monumental
das catro que configuran o conxunto de Auga da Laxe (probablemente debido a que a disposición das figuras recorda a orde na que marchan os pendóns, as cruces, as imaxes e as persoas nas procesións relixiosas).

7. A maioría dos mostrarios de armas realízanse
sobre rochas inclinadas, para seren vistas con
facilidade.

8. Como seguramente observariades, nos petróglifos
non gravabamos ferramentas de traballo (machadas,
eixadas, teares) nin escenas domésticas como por
exemplo a crianza dos nenos, o traballo na aldea...
Interesábanos máis reflectir o dominio do home sobre
a natureza (no caso das escenas de caza) e un mundo bélico, o entorno do poder, a preminencia do guerreiro, a desigualdade entre individuos e comunidades… (no caso das representacións de armas).

9. Contemplado de noite, a luz dos focos, este petróglifo é
realmente, espectacular…!