1. ERDI-MAILAKO ZIKLOAK
SARTZEKO BETEBEHARRAK
Bi modutan sartu zaitezke Erdi Mailako Heziketa Ziklo batean:
1/ ZUZENEKO SARBIDEA (TITULAZIO AKADEMIKOAREKIN)
Eskatzen den titulazioa baldin baduzu, zuzenean sartu ahal izango zara Erdi Mailako
Heziketa Zikloan. Titulu hauetako bat izan behar duzu horretarako:
Derrigorrezko Bigarren Hezkuntzako graduatu titulua (DBH)
Lanbide Heziketako I (LOGSE) teknikari laguntzaile titulua
Teknikari titulua
Batxilergo Bateratu Balioanitzeko bigarren maila(BBB)
BBBko lehenengo bi ikasturteak eginda izatea, eta bi ikasturte horietan gainditu
gabeko bi gai baino gehiago ez izatea
Arte Aplikatuetako eta Lanbide Artistikoetako 1963ko Hezkuntza Planeko
hirugarren maila gaindituta izatea, edo komunetako bigarren maila
esperimentala
Irakaskuntza Ertainen Erreformako lehen ziklo esperimentaleko bigarren maila
gaindituta izatea
Ondorio akademikoei dagokienez aurrekoen baliokide den beste ikasketaren bat
gaindituta izatea
Gainera, sartzeko baldintza horietakoren bat betetzen baduzu eta…
Hezkuntza-premia bereziak badituzu, malgutu egingo zaizu eskolaratze-aldia
hautatu duzun Erdi Mailako Heziketa Zikloa ikasteko, curriculum-
egokitzapen baten bitartez.
Lanbide-ikasketei lotutako –gutxienez– urtebeteko lan-esperientzia
egiaztatuz gero –lanbide-modulu horren helburuak eskuratuta dituzula
erakusteko modukoa–, Lantokiko Prestakuntza modulua egitetik salbuetsita
egon zaitezke, hala eskatuz gero. Hori eskatzeko, zentro baimendu batean
ikasten jarraitzeko matrikulatuta egon behar duzu aldez aurretik.
Lanbide Heziketako ziklo batean matrikula egin baduzu, ematen diren
lanbide moduluak konbalidatu ahal izango dituzu, gaindituta dituzunak izen
eta iraupen berekoak badira eta helburu terminal eta ebaluazio irizpide
berberak badituzte.
Hautatu duzun prestakuntza-ziklo bateko irakaspen guztiak ez badituzu
gainditu, gainditutako lanbide-moduluen ikasketa-ziurtagiria jasoko duzu.

2. 2/ PROBA BIDEZKO SARBIDEA:
DBHko graduatu titulua edo beste ikasketa edo titulazio baliokideren bat ez baduzu, eta
Erdi mailako Heziketa Zikloa egin nahi baduzu, sarrera-proben bitartez sartu ahal
izango zara ikasketa horietara. Horretarako:
Gutxienez 17 urte izan beharko dituzu proba egiten den urtean, eta
DBHko eduki soziolinguistikoari eta zientifiko-teknologikoari buruzko proba
bat gainditu beharko duzu.
Probaren helburua hau da: egiaztatzea zure jakintzak eta gaitasunak behar bestekoak ote
diren Erdi Mailako Heziketa Zikloko ikasketak aprobetxamenduz egiteko.
Argibide gehiago…