Prentsaurrekoa egin dugu gaur goizean Korrika 19ren inguruko informazioa emateko: mezua, Korrika Kilometroa eta Korrika Lagun, autobusak Korrika hasiera eta amaierarako, Korrika Kulturala Goierrin...Alaitz Imaz Korrikaren Goierriko koordinatzaileak hitz egin du.

1. 19. KORRIKA: EUSKAHALDUNDU
2015eko martxoaren 19an emango zaio hasiera 19. Korrikari. Aurtengo Korrikak
euskahaldundutzeko gonbitea luzatzen digu. Jakin badakigu, Euskal Herria
euskalduntzeko norberaren eta taldearen ahalmenean sinetsi eta hori erabili behar dugula.
Aldi berean, euskararen eta euskalgintzaren egoeraz ahaldundu. Helburua lortzeko denon
ahalegin pertsonalak auzolanean elkartuta indarrak biderkatuko ditugu.
Herri honek auzolanean eta elkarlanean lorpen handiak egin ditu -Korrika bera, esaterako-
eta iraganean bezala gaur egun ere eskuzabala eta ahaltsua dela frogatuko du. Hori da
Korrikaren eta AEKren nahia. Eta nahia ahala da. Ahalmen pertsonala eta kolektiboa:
norbanakoak auzolanean zein erakundeekin eta instituzioekin batera elkarlanean.
Dakienak erabiltzeko eta ez dakienak ikasteko ahala; ikasteko eta erabiltzeko eskubidea
bermatzeko ahala; euskaltegiak ikaslez betetzeko ahala; euskal kultura hedatzeko eta
euskal komunikabideak aupatzeko ahala; euskara taldeak laguntzeko eta euskalgintza
babesteko ahala.
Korrika Kilometroa eta Korrika Lagun
Korrikak bi helburu nagusi ditu: alde batetik, hizkuntz normalizazioak behar duen bultzada
herritarra bildu eta zabaltzea eta, bestetik, helduen euskalduntze eta alfabetatzerako
ezinbestekoa duen sostengu ekonomikoa lortzea. Alor ekonomikoari begira, Korrika
kilometroen salmenta burutzen ari gara herrietan eta Korrika Lagun eskualdeko, enpresa,
taberna eta dendetan. Horretaz gain, herritar orok Korrika Laguntzaile izateko aukera du;
hamabi euroren truke pina eta hainbat komertziotan erabil daitekeen deskontu txartela
eskuratuko du.
Autobusak Korrikaren hasiera eta amaierarako
19.Korrika martxoaren 19an abiatuko da Urepeletik eta martxoaren 29an amaituko da
Bilbon. Korrikaren hasierako festara joateko autobusa antolatuko dugu Goierritik eta
bertara joateko interesa duenak bere herrian izena emateko aukera izango du martxoaren
13ra arte. Bilbora joateko ere izango da autobusa.
Korrika Goierrin
Urepeletik Bilborako bidean, Goierri zeharkatuko du Korrikak martxoaren 22tik 23ra
bitarteko gauean, Legorretatik sartu eta Ezkio-Itsasotik aterata. Korrikaren etorrera
girotzeko hainbat ekitaldi izango dira Goierrin eta nabarmentzekoa dugu martxoaren 18an
Ordizian egingo den lehiaketa eta eskualdeko afaria. Goierriko elkarte gastronomikoek bi
plater prestatuko dituzte, baratxuri-zopa eta biribilkia saltsan, eta plater onenen egileei
saria emango zaie. Lehiaketan parte hartu nahi dutenek martxoaren 10erako baieztatu
behar dute. Afarira joateko asmoa duzuenok, berriz, Ordiziako eta Beasaingo
euskaltegietan eta herrietako tabernetan erosi ahalko dituzue txartelak.
Afariaz gain, beste hainbat ekintza ditugu Goierriko Korrika Kulturalaren barruan. Hauexek
dira, besteak beste, antolatutako ekitaldiak:

2. ARAMA
Martxoak 22
21:00 afaria Toki-Alai tabernan.
ATAUN
Martxoak 7
Futbolin txapelketa Gazte Asanbladak antolatuta.
Martxoak 12-29
Korrika logoen erakusketa Joxemiel Barandiaran eskolan.
Martxoak 12
Arropa salmenta Joxemiel Barandiaran eskolan.
Martxoak 15
11:00 San Gregoriotik abiatuta oinezko ibilbidea San Martinera. Ondoren, mokadutxoa,
arropa salmenta eta kuestazioa San Martinen.
Martxoak 18
15:00-16:00 Korrika Txikia eta gero txokolatada.
Martxoak 22
19.30 Talo jana frontoian. Ondoren, dokumentalaren proiekzioa.
BEASAIN
Otsailak 28-martxoak 8
19:00-21:00 Korrika argazkien erakusketa Usurbe aretoan.
Martxoak 11
10:00 Euskal kantagintzaren historia Andoni Tolosaren eskutik, Igartza jauregian.
Martxoak 18
10:30-11:30 Korrika Txikia herrian zehar Lehen Hezkuntzako ikastetxeetako ikasleekin.
Martxoak 22
Arratsaldetik gauerdira, haurrentzako jolasak, bertso-triki poteoa eta musika plaza azpian.
Martxoak 26
19:00etan eta 21:30ean, “Five days to dance” (jatorrizko bertsioan, euskarazko
azpidatziekin) Goieniz zine klubaren eskutik.
EZKIO-ITSASO
Martxoak 23
Korrika Txikia.
GABIRIA
Martxoak 14
Kuestazioa.
Martxoak 22
21:00 Afaria elkartean.

3. IDIAZABAL
Martxoak 12
Kantu potea eta kuestazioa.
Martxoak 13
18:30 plazan Erromeri Bira eta kuestazioa.
Martxoak 22
18:30 Flash Moba Xapobixikoen gidaritzapean.
ITSASONDO
Martxoak 8
Kuestazioa eta arropa salmenta.
Martxoak 18
19:00 Bideo emanaldia.
Martxoak 22
19:30 Triki-poteoa herrian zehar.
21:00 Afari merienda.
Martxoak 25
Korrika Txikia.
LAZKAO
Martxoak 6
17.30-20.00 Talo jana dantzariek girotua. Ondoren, dokumentalaren emanaldia.
Kuestazioa eta arropa salmenta.
Martxoak 17
15:00 Korrika Txikiaren hasiera.
16:30 Jolasak haurrentzat Maizpideren eskutik.
21:15 “Laburbira” laburmetrai emanaldia Arerian.
Martxoak 22
22:30-00:00 Musika.
12:00 -12:30 Korrikalariei petoen banaketa.
Martxoak 24
Liloratura: Patxi Zubizarretaren “50” liburuaren literatur tertulia.
Martxoak 26
21:00 Bertso afaria Mintzalagunekin Maizpiden. Anjel Peñagarikano eta Jokin Uranga.

4. LEGORRETA
Martxoak 6
Dokumentala gaztetxean
Martxoak 7
Arropa salmenta, kuestazioa eta taloak.
Martxoak 22
Korrika Txikia, afaria eta Korrika argazkia.
MUTILOA
Martxoak 22
Korrika Txikia eta afaria.
OLABERRIA
Martxoak 22
21:00 Afaria Arkupe Elkartean.
22:45 Ibon Magoaren ikuskizuna Arkupe elkartean.
ORDIZIA
Martxoak 18
21:00 Eskualdeko afaria Plaza Nagusian. Afari ostean, elkarteen lehiaketako sari
banaketa. Ondoren, Igor Barrerosen kontzertua eta Amets Bidekoekin dantzaldia izango
da.
Martxoak 22
19:30 Mokadua.
21:30 Musika herrian zehar gauerdira arte.
Martxoak 23
00:25 Korrika pasa
10:00 Korrika Txikia.
ORMAIZTEGI
Martxoak 20
Iluntzean, “Erdaldun berrien kluba” antzezlana kultur aretoan.
Martxoak 22
Korrika Txiki.

5. SEGURA
Martxoak 14-15
Arropa salmenta eta kuestazioa eguerdian.
Martxoak 18
15:00 Korrika Txikia, txokolate jana eta buruhandiak.
Martxoak 22
18:00 Patata tortilla lehiaketaren hasiera.
18:30 Txorizo eta ardo dastaketa. Musika, kantu, bertso eta dantzaz girotua.
19:30 Sari banaketa eta pintxo jatea.
01:30 Karpa azpian elkartu eta txokolate beroa eta peto banaketa.
ZALDIBIA
Martxoak 13
22:30 Bi Bala taldearen emanaldia antzokian.
Martxoak 15
Dantzari Txiki Eguna, arropa salmenta eta kuestazioa.
ZEGAMA
Martxoak 12-13
Arropa salmenta eskolan zein kalean eta kuestazioa.
Oharra: egitarauan aldaketak egon daitezke. Batzordeetan egitaraua findu ahala,
jakinaraziko dizuegu.
19. Korrika antolatzeko lan egiten ari zareten batzordekideoi eskerrak eman nahi
dizkizuegu eta, bide batez, goierritar guztiok euskahaldundu eta ekintzetan parte hartzera
gonbidatzen zaituztegu.
Korrikaren inguruko berriak zuzenean jarraitzeko bidea izango duzue Goiztiri AEKren
blogean (www.goiztiri.blogspot.com) eta euskaltegiaren Facebook eta Twitter kontuetan.
Goierri euskahaldun!!!