5. Queres ver as impresionantes cidades da civilización maia? O seu descubrimento provoca unha forte sacudida na nosa visión eurocentrista da Historia, para a que dependemos fortemente da herdanza greco-latina. Por camiños paralelos e independentes, os pobos indíxenas do continente americano conformaron desde a Antigüidade culturas moi complexas, avanzadas e distintas entre si. Entre estes pobos, foron os maias de Mesoamérica os que chegaron máis lonxe no desenvolvemento de formas organizativas que permitiron o florecemento dunha sofisticada civilización, levando a puntos culminantes aspectos como o urbanismo, a arquitectura, as artes plásticas, as matemáticas, a astronomía, a escritura e a enxeñería agrícola, para logo esvaerse en pouco tempo por causas aínda non ben explicadas.
26. Os maias Os “homes de millo” ubicáronse nestas terras hai máis de 13.000 anos. É aquí onde os maias aprenderon a elevar os seus espíritos ás estrelas, bañarse na súa luz e comprender os seus desexos e influencias. Aquí asentáronse para esculpir as súas estelas, documentando a súa historia. E aquí é onde construíron os sus templos na honra dos seus deuses. Entre o aroma das orquídeas e as bugambillas, entre os volcáns, ríos, lagos, océanos e covas construíron máis de tres mil sitios, practicaron os seus rituais, bañáronse en vapor e crearon unha gran civilización.