Actividade do EDL

1. O EDL do CEP Pilar Maestú Sierra pon en marcha a actividade Tripando
Poemas.
A partires do poema de Manuel María, Labregos, onde di que o labrego
pasa a vida tripando terróns, nós imos a tripar poemas. A actividade consiste
en pegar no chan do noso centro poemas deste autor, homenaxeado este ano
co Día das Letras Galegas.
Deste xeito, o alumnado do centro estará unha tempada pisando os seus
poemas, léndoos e interiorizándoos. É unha forma de familiarizar ao noso
alumnado cos fermosos poemas de Manuel María.
Colocarase no centro a semana previa ao Día das Letras Galegas.
Ademais disto aproveitaremos a singularidade do noso colexio, no que o
alumnado debe subir moitas escaleiras cada vez accede ás titorías, aula de
inglés ou de música.
Empregaremos as escaleiras do centro para colocar algúns dos seus
versos, para que sexan lidos durante os accesos ás diferentes dependencias
do centro.