23 nov 2014 verandering van lot
•Transferir como PPTX, PDF•
0 gostou•300 visualizações
Verandering van lot
Recomendados
Mais conteúdo relacionado
Destaque
Destaque (20)
Mais de Ernest Potgieter
Mais de Ernest Potgieter (20)
23 nov 2014 verandering van lot
- 1. VERANDERING VAN LOT Jes. 62:1-5
- 2. Dit is moeilik om God se woord vir jouself te hou Dit voel vir jou jy moet dit herhaal totdat die mense hoor en reageer Onseker oor die woord Krisis God sien jou raak!! Hy wil jou lot kom verander
- 3. Isa 62:4 Jy sal nie meer genoem word Verlatene nie, en jou land sal nie meer genoem word Wildernis nie. Maar jy sal genoem word: my welbehae, en jou land: die getroude; want die Here het ‘n behae in jou, en jou land sal getroud wees. Jy kry ’n ander naam My welbehae Die getroude Voel dit oorweldigend?
- 4. Rom 8:31-32 Wat sal ons dan van hierdie dinge sê? As God vír ons is, wie kan teen ons wees? Hy wat selfs sy eie Seun nie gespaar het nie, maar Hom vir ons almal oorgegee het, hoe sal Hy nie saam met Hom ons ook alles genadiglik skenk nie?
Notas do Editor
- Daar is darem sekere gedeeltes uit die Woord wat net dadelik iets aan jou doen wanneer jy dit lees en dit aanhou doen. Jes. 62 is vir my een van daardie gedeeltes. Man dit is baie beter as RedBul.
- #Dit is moeilik om God se woord vir jouself te hou Soos wat ek vers 1 lees ervaar ek hierdie selfde dringendheid van die profeet. Ek kry die indruk dat hy nie eintlik hierdie woord wil bring nie maar die Gees dring hom dat hy nie kan stilbly nie. Wanneer God met jou praat is dit soos iets wat hier binne-in jou gees brand. Dit moet uit, jy moet dit met iemand anders deel. #Dit voel vir jou jy moet dit herhaal totdat die mense hoor en reageer Jesaja sê hy sal sê wat God sê en dit aanhou sê totdat hierdie mense dit glo en God se plan sigbaar word tussen die mense. Het jy al iets wonderliks in God se woord ontdek en dan deel jy dit met iemand anders en dan voel dit vir jou die persoon kry nie die boodskap nie. Dit voel jy wil dit herhaal of dalk harder sê of net iets doen sodat dit vir hom ook kan oopgaan. #Onseker oor die woord Ek was aanvanklik onseker oor die woord. Dit het vir my gevoel dit is net vir 1 persoon en hoe kan ek nou ’n preek vir 70 mense preek met die ervaring dit is eintlik net vir 1? Soos wat ek die gedeelte weer ’n paar keer gelees het, het v1 my gedring om dit te deel, al is dit net vir 1 persoon. God het die Jordaan gekloof net vir 1 persoon terwyl ’n klomp ander dit aanskou het en hoewel die wonderwerk nie vir hulle was nie kon hulle juig in wat God vir iemand anders doen. Dit gee my net so ’n “kick” as ek sien hoe God met ander werk en inspraak in hulle lewens maak. So wat is die woord? #Krisis Vanaand se woord is vir iemand, of hulle in krisis. Jy het hiernatoe gekom en ek hoop dat God jou sal raaksien en jou sal help. Jy is onseker of iets gaan gebeur. Jy het vir jouself gesê, ek gaan nie my hoop te veel op kry nie, want jy sien nie kans vir nog ’n teleurstelling nie. Jy hoop iets gaan gebeur maar jy is nie te seker nie. Die goeie nuus is dit, ..... #God sien jou raak!! Hy is nog van die begin af bewus van jou omstandighede. Om die waarheid te sê was Hy al lankal gereed om te help. Jy was egter nog nie gereed om oor te gee nie. Jy moes nog eers self ’n paar van jou eie planne uitprobeer. Nou het jy uit planne uitgehardloop en nou het jy groot moeilikheid. God sien jou raak!! (x2) #Hy wil jou lot kom verander Hoor u mooi, HY WIL JOU lot kom verander. Hy wil vir jou kom doen wat jy gedink het Hy net vir ander doen. Hy wil kom doen wat jy nie gedink het, is moontlik nie. So wat sê hy vir jou?
- #Jes 62:4 .... Hierdie is God se woord vir jou. Nou kan jy sê maar dit is nie aan my geadresseer nie. Die konteks is ook nie die van die oplos van persoonlike probleme nie. Hierdie hoofstuk gaan eintlik oor die wederkoms van Jesus en die gevolge daarvan. Dit is ’n beskrywing van hoe Israel en Jerusalem verander gaan word. Dit is waar, dit is die konteks van die hoofstuk. Vanaand wil die Here egter hierdie hoofstuk gebruik om vir jou ’n idee te probeer gee van die verander wat Hy vir jou in gedagte het. God wil so ingryp dat ander mense dit sal raaksien. Omdat hulle sien wat God doen gaan hulle anders van jou begin praat. #Jy kry ’n ander naam In die vers sê hy jy sal nie meer verlate genoem word nie maar welbehae. Dit was nie dat God regtig Jerusalem aan sy eie lot oorgelaat het nie, maar vir hulle het dit so gevoel. Dit het vir hulle gevoel hulle is heeltemal alleen. Nou sê die profeet, luister, dit is nie die geval nie. Ek is met jou. Jy sal dit sien en ander sal dit ook sien. Waar hulle nou negatief van jou praat, sal hulle na jou begin verwys as gelukkig en suksesvol. Die negatiewe praatjies sal verander na praatjies van verbasing. Loof die Here!!!! Wat is hierdie nuwe naam? #My welbehae Joh, is dit nie fantasmagories nie? God wat ’n welbehae in jou het, God wat Sy grootheid, goedheid, guns en genade oor jou gaan uitstort. Dit is NB dat jy sal sien dit is nie ’n naam of titel wat jy vir jouself gekies het nie. Dit is die naam wat ander vir jou sal gee omdat hulle sal sien hoe die Here dinge vir jou uitwerk. Ons weet mos party mense eien sekere name of titels vir hulself toe. Wanneer ons dan na die naam of titel kyk dan verteenwoordig dit nie die persoon nie. Hierdie is nie so ’n geval nie. Die vers gaan vêrder. Jy sê jou land sal genoem word #Die getroude Wat ’n snaakse naam. Die getroude. Ons weet mos wanneer ’n man en ’n vrou trou deel hulle in mekaar se voorspoed. So as die man ryk is, sal jy dit ook sien in hoe die vrou aantrek, die voertuig waarin sy ry, die huis waarin hulle bly. Jy sien dit in die kringe waarin hulle beweeg en die plekke waar hulle vakansie hou. Jy sal die getroude genoem word omdat jy ’n weerspieeling sal wees van God. Mense sal sien jy deel in wat Hy is en wat Hy het. #Voel dit oorweldigend? Jy ervaar iets in jou gees sedert ek die boodskap begin het maar jy is onseker. Kan dit regtig vir jou wees. Dit is bietjie baie en bietjie groot. Dit kan tog sekerlik nie vir jou wees nie? Die duiwel sê jy hoop bloot dit is vir jou, maar dit is nie. Hoekom sal God jou nou kies?
- #Rom 8:31-32 Daar is vanaand iemand hier vir wie God iets groot wil doen. Glo vanaand God se woord. Glo dat dit vir jou is. Glo dat Hy sal doen wat Hy sê Hy sal doen!