Rosalia de Castro. traballo sobre a memoria da choivapdf
Comunicación á prensa
1. O alumnado de 1º de bacharelato do IES Félix
Muriel de Rianxo asistirán a clase o 25N de loito
polas mulleres asasinadas
A ONU declarou como Día Internacional para a erradicación da violencia
machista o 25 de novembro. Para colaborar nesta loita e porque o machismo mata,
os alumnos e alumnas de primeiro de bacharelato do IES Félix Muriel de Rianxo van
realizar unha serie de tarefas.
Así, ao longo da semana do 21 ao 25 de novembro
terán lugar no IES Félix Muriel unha serie de actividades,
que o alumnado realizará en horario extraescolar, entre as
cales se encontran a colocación de poemas contra o
machismo, obtidos da obra de Carlos Negro, Masculino
singular, no vestíbulo do instituto; ou a distribución de
noticias e imaxes da prensa cotiá arredor da violencia de
xénero. Tamén se está levando a cabo a construcción dun
muro de tixolos na entrada do instituto onde
posteriormente o alumnado escribirá un poema de Carlos
Negro que trata o tema dos micromachismos, o caldo de
cultivo da violencia machista e que simboliza todos os
prexuízos sexistas que amontoamos arredor da
muller.
A parte, xa en horario escolar, o alumnado
participará nun obradoiro organizado polo concello
contra a violencia machista, que terá lugar o
martes 22 de novembro. Xa para rematar, o propio
día 25 terá lugar unha lectura de dous textos
creados polo alumnado de bacharelato e a
proxección dun video arredor da violencia
machista, así como a lectura por parte do alcalde
de Rianxo diante do muro dos prexuízos sexistas,
do Manifesto realizado por parte dos alumnos e
alumnas de primeiro de bacharelato ao longo de
toda a semana. Neste Manifesto o alumnado
reivindica a igualdade de xénero e a fin de tantos
prexuízos partindo do máis famoso manifesto da
Literatura galega nacido a mans dun rianxeiro, o manifesto Máis Alá de Manuel
Antonio.