1. Oración a Xesús ante o Belén
Xesús, fillo de María, Fillo de Deus.
A luz de Nadal chegoume como chegou aos pastores e aos
magos de Oriente.
En Belén, na túa carne tan débil, está todo o amor de Deus.
Na túa carne está aquel amor, aquela tenrura, aquela
esperanza confiada que só Deus é capaz de dar.
Mirándoche deitado no pesebre, acompañado do amor de
María e Xosé, quero pór nas túas mans as miñas ilusións e
os meus temores.
E quero pór nas túas mans o mundo enteiro: a quen máis
quero e a quen non coñezo, aos de preto e aos de lonxe, e,
sobre todo, aos que máis sofren.
Xesús, fillo de María, fillo de Deus, ilumínanos coa claridade
do teu amor, ilumina ao mundo enteiro coa claridade do
teu amor.
Bendición da cea de Nadal
Pai: Hoxe celebramos o Nadal, o día en que o teu Fillo, por amor
a nós, fíxose home e naceu de María.
Ese Neno reúnenos nesta noite, ao redor da mesa que imos
compartir cheos de alegría, porque El fainos sentir máis que
nunca, Familia.
Por iso pedímosche, que nos bendigas e bendigas o pan que o teu
Amor nos ofrece.
E pedímosche por aqueles que non teñen pan, casa ou traballo, por
aqueles que non teñen paz, porque lles faltas Ti.
Por mediación de María, rogámosche que o corazón de cada cristián
sexa un humilde pesebre, onde Xesús poida nacer, e así,
superando todo o que nos divide, construamos un mundo de
irmáns.
Evanxeo
25-dec-2016
Nadal-A
2. Nadal: Xesús é o MELLOR AGASALLO.
Faise agasallo, cercanía, luz.
1.Ver: O Nadal
-O nadal son días de vacacións, son días de alegría, de panxoliñas,
reunímonos a familia, adornamos a rúa e as igrexas con
nacementos.
-Estes días recibimos agasallos, todos feitos con ilusión e agarimo.
Pero, que é o fundamental do nadal?
2. XULGAR: Deus faise, cercanía, luz
+ No evanxeo deste domingo expresa Xoán que é o esencial do nadal.
Nela celebramos que "O verbo (Deus) era a luz verdadeira, fíxose
carne e que campou entre nós".
+QUE NOS QUIERE DICIR XESÚS?
-Pensade en alguén que vos gustaría que vos visitase estes días e por
que. Pensade tamén un agasallo que vos gustaría recibir.
-Xesús é o AGASALLO do nadal, o mellor agasallo. Deus faise neno
tenro, indefenso. Quere ser agasallo para todos, e tráenos a
salvación, a alegría e a paz.
-Xesús faise COMPAÑEIRO, AMIGO PRÓXIMO. Quere estar ao noso
lado en todas as circunstancias da nosa vida, rir as nosas alegrías,
axudarnos nas dificultades... este é o misterio da encarnación.
-Xesús faise LUZ, a luz do mundo, a luz que nos guía para que xa non
andemos na escuridade senón que vaiamos polo bo camiño.
Como vivir a alegría do evanxeo? Que podemos compartir?
3. ACTUAR: Se alegre, comparte
-Comentamos que o esencial do nadal é que celebramos que vén
Xesús, o mellor agasallo e facémosllo ver aos nosos familiares e
amigos.
-Tratamos de entrar no misterio de Belén, de mirar ao neno do
pesebre e pedímoslle a Xesús que lle sintamos sempre como amigo
próximo, compañeiro, luz e forza.
-Facemos un belén vivente representando o nacemento de Xesús.
-Na parroquia o día 25 bendicimos o belén e encargámonos de
rezar a oración de noiteboa e bendicir a mesa na casa.
ISAÍAS 52, 7-10: Todos os pobos da terra percibirán
a salvación do noso Deus
Que fermosos son sobre os montes os pés do mensaxeiro
de boas novas, que anuncia a fartura, que proclama a
felicidade, que pregoa a salvación, que di: "Sión, o teu
Deus reina! Un grito! Os teus vixías levantan a voz, berran
xubilosos a un tempo: "Todos os ollos contemplarán a
volta do Señor a Sión". Berrade a coro con xúbilo,
ruínas de Xerusalén, que o Señor consolou o seu pobo,
redimiu Xerusalén. O Señor remangou o seu brazo santo
aos ollos de todos os pobos, e todos os confíns da terra
viron a salvación do noso Deus".
SAL. 97: R/. Os confíns todos da terra percibiron
a vitoria do noso Deus.
HEBREOS 1, 1-6: Deus falounos por medio do
Fillo.
SAN XOÁN 1, 1-5. 9-14 (BREVE): O Verbo fíxose
carne e habitou entre nós.
No principio existía a Palabra, e a Palabra estaba onda
Deus, e a Palabra era Deus.Ela estaba no principio onda
Deus.Todo foi feito por ela,e sen ela non se fixo nada do
que foi feito. Nela estaba a vida,e a vida era a luz dos
homes; a luz aluma na tebra,e a tebra non a deu apagado.
Houbo un homemandado por Deus: o seu nome era Xoán.
Este veu de testemuña para dar testemuño da luz, para que
todos cresen por el. Non era el a luz, senón que veu para
dar testemuño da luz. A Palabra era a verdadeira luz que
aluma a todo home que vén a este mundo. Ela estaba no
mundo, e o mundo foi feito por ela, pero o mundo non a
recoñeceu. Veu á súa propiedade, e os seus non a
acolleron. Pero a cantos a recibiron- aos que cren no seu
nome -deulles o poder de seren fillos de Deus. Estes, non
naceron do sangue, nin da vontade da carne,nin da
vontade do home, senón de Deus.E a Palabra fíxose carne,
e plantou entre nós a súa tenda,e nós vimos a súa
gloria,gloria coma de Unixénito que vén do Pai, cheo de
graza e de verdade. Xoán dá testemuño del, exclamando:
Este évos de quen eu dixen: "O que vén detrás miña, pasa
diante miña, pois existía primeiro ca min". E da súa
abundancia recibimos todos nósgraza e máis graza. Pois a
Lei deuse por medio de Moisés; a graza e a verdade
realizáronse por Xesús Cristo. A Deus ninguén o viu; o
Unixénito, que está no seo do Pai, foi quen nolo revelou.