1. A HISTORIA XEOLÓXICA DE
GALICIA
Comeza hai máis de 1000 millóns de anos (precámbrico), cando non era máis ca unha gran depresión (xeosinclinal). Nela
deposítanse sedimentos que constitúen o material de orixe de todas as áreas metamórficas do centro e leste de Galicia.
Hai uns 360 millóns de anos (paleozoico) cando se vai producir o acontecemento máis importante da xeoloxía galrga: a oroxenia
hercínica. Esta afectou a todo o territorio e orixinou a maior parte da penedía granítica que ocupa amplas áreas do occidente, centro
e sur. A unha primeira etapa de compresión tectónica seguiu unha descompresión que foi a causante da intensa fracturación do
zócolo galego.
O cenozoico volve ser unha etapa clave para Galicia. Ao comezo deste período (hai uns 65 millóns de anos) o clima cambia e
modela extensas superficies de aplanamento. Cara ao final do cenozoico (23-1,6 millóns de anos), a aparición de novos movementos
tectónicos vai elevar e afundir os diversos bloques aplanados que gradúan as diferentes alturas do territorio galego.
O cuaternario caracterízase polas constantes e fortes oscilacións climáticas que explican a aparición de grandes masas de
sedimentos, produto da erosión. Os seres humanos axudan nestas modificacións mediante deforestacións masivas, terrazas de
cultivo, canteiras,etc.
2. O APROVEITAMENTO DAS
ROCHAS
● As comarcas da costa occidental galega e do centro da provincia de Ourense son graníticas.A sua estabilidade industrial de
estado físico e químico no que se encontre. Se o granito aparece moi fracturado ou meteorizado aplícase como árido ou grava
para a construcción; pero se está máis enteiro serve como pedra ornamental.
● A lousa abunda na zona máis oriental, intercalándose con esta algunhas bandas de pedra calacaria. Aproveitase como rocha
ornamental.
● A aparición de arxilas e lignitos queda moi limitada a algúns vales e depresións tectónicas, parcialmente recheos de materiais
sedimentarios. As arxilas empréganse para fabricar ladrillos e cerámicas destinadas á construcción ou a utensilios domésticos.
Os lignitos úsanse como combustible para obter enerxía térmica, transformada logo en electricidade.
3. O APROVEITAMENTO DOS
MINERAIS
● Galicia é a pricipal produtora española de cuarzo, mica e magnesita.
● O cuarzo utilizase, sobre todo, en forma de sílice para obter vidro. A súa propiedade piezoeléctrica
faino útil en reloxería e electrónica en xeral.
● A magnesita de Rubián (Lugo) calcínase, móese e posteriormente úsase en alimentación animal,
fertilizabtes e corrección de solos.
● A mica, pola súa calidade como illante, úsase en forma de láminas en equipos eléctricos e
electrónicos. En po, utilízanse en pinturas, cementos adhesivos e electrodos para soldadura.