1. Та юунаас болж стресст ордог вэ?
Өглөө ажилдаа ирэхэд таны дарга өчнөөн хөдөлмөрлөж хийсэн төслийг өөдөөс чинь чулуудна.
Энэ стресснээсээ гарч амжаагүй байтал хажуу ширээний чинь хүн цайвар юбкан дээр чинь кофе
асгачихна. Бухимдал нэмэгдээд л. Орой гэртээ ирэхэд өрөөгөөр нэг тарааж хаясан чихэр,
шоколадны цаас, талхны үйрмэг, шидэлсэн хувцаснууд. Дахиад л СТРЕСС.
Ер нь энэ ноён СТРЕСС гуай бидний амьдралд өглөө өдөр оройныхоо хоолоо тогтмол иддэг шиг
л байнга оршдог хэвийн үзэгдэл болчихож.
Гоо сайхан, өөртөө итгэх итгэл, аз жаргал, эрүүл мэнд гээд олон зүйлийг тань аажмаар хэмлэдэг
СТРЕСС­ийг даван туулах арга хүн бүрт өөр өөр. Жишээ нь амандаа 100 хүртэл тоолох, уртаар
амьсгаа аваад гаргах, хөгжилтэй дуу сонсох, нүдээ аниад нам унтах гэх мэт.
Үнэхээр стресст орохоос ч аргагүй нөхцөл байдал тулгарахыг алийг тэр гэх вэ . Гэвч заримдаа
жижиг сажиг ахуйн асуудлаас үүдэж, бид бие махбодь, сэтгэл санааг давхар давхар өвчлүүлэх нь
бий. Бүр хааяа өөртөө огт хамааралгүй, эсвэл зөнд нь орхиход л шийдэгдчих асуудлаас болоод
толгойгоо өвтгөн, шаналж суух нь эмэгтэйчүүд бидний гэм биш зан гэлтэй.