Koulutuksen palkat ja kustannukset sekä koulutuksen ansiot
Valmanifest kotvers meankieli
1. TULEVAISUUS OON
NIITTEN JOKKA
TOHTIVAT
Lissää työpaikkoja ja kasvavia yrityksiä, uuistettu hyvinvointi ja hyvä
miljöö
Yhtheenveto Center-puoluheen tärkeimistä kysymyksistä
vaalissa 19 pv. syyskuuta 2010
1
2. Center-puoluheen pääkysymykset mandaattikauele 2010-2014
• Parempi yritysklimaatti – lissää työpaikkoja koko Ruottissa
• Revimä estheet – lissää työpaikkoja nuorile
• Enämpi RUT-vähenyksiä – valinanvaphaus hyvinvoinissa
• Enämpi kariääriteitä vaimonpuolile
• Mailman paras ruassa ja vihreä energia-kysymyksissä
• Otama käythöön super-miljööbiilipalkkion
Enämpi työpaikkoja uusissa ja kasvavissa yrityksissä
• Useampi yritys tarttee tohtia ottaa työvoimaa. Piämä jäljelä puolitetun työnantajamakson
nuorile. Pienenämmä työnantajamaksot ja omamaksot (egenavgifter) ko rahatilane sen
antaa myötä.
• Puolitettu palvelumomsi tekkee ulkona syömisen ja tukan leikkaamisen halvemaksi.
• Tarttema enämpi hyvinvointi-yrityksiä – se lissää vaimonpuolitten vaphautta.
• Kehitämmä RUT:iä huushollilikheisille palveluile ja otama käythöön RIT – vähenyksen
IT-palveluile.
• Jatkama työtuloveroitten alentamista ko rahatilane sen antaa myötä.
• Vastustamma nuorisotyöttömyyttä – revimä estheet niin ette het pääsevät
työmarkkinoile.
• Tehemä poikkeus yrityksile joissa oon vähempi ko 10 työntekiää LAS:in vuoro-säänöissä.
• Lissäämä vaimonpuolitten maholisuuksia tehhä kariääriä antamalla paremat maholisuuet
ostaa privaattia palveluita ja lissäämällä vaihtoehtoja lastenhuolossa.
• Ruotti tarttee kasvua (tillväxt) koko maassa. Met kehitämmä niin maaseutua ko
kaupunkia.
• Luoma uusia työpaikkoja maaseu´ule tekemällä Ruottista Euruupan uuen ruoka-maan.
Uuistettu hyvinvointi lissää valinanvaphautta
• Tieto-miljaardi stimyleeraahmaan oppilhaitten kehitystä ja menestyviä kouluja.
• Paranamma oppilhaitten oikeuksia– otama käythöön ”Lex Sarah” koulussa ja sillä mallin
oon velvolisuus ilmottaa vakavia epäkohtia.
• Paranamma ammatti- ja korkeakoulukoulutuksen kvaliteetä.
• Piämä jäljelä lapsenhoitorahan ja annama kaikile vanhoile ja niile joila oon heikentynny
toimintakyky oikeuen valita hoito tekemällä valinanvaphaussysteemi-laista (LOV)
pakolisen.
• Nostama RUT-vähenystä 75 %:hiin niile jokka oon täyttänheet 75 vuotta.
• Kaikila pansunäärilä pittää olla oikeus saa F-verokuitti.
• Annama kaikile vanhemille pariskunnille jokka tarttevat vanhuus-asunon maholisuuen
asua yhessä.
2
3. • Uuistamma hoitoa lissäämällä potihlaitten ommaa päätösvaltaa ja vaphautta valita.
• Paranamma diskrimineerinkilakia, muumuassa niile joitten toimintakyky oon
heikentynny.
• Otama käythöön vaphauen vanhoile ja siukoile tehhä ruoka-valinta.
Mailman määrätietosin (ambitiös) miljööpolitiikka
• Käytämä miljöö- ja klimaattihaastheita vihreän kasvun nostamis-apuna.
• Ruotti häätyy olla kansanvälinen eeläkäviä vihreän muutoksen puolesta.
• Kymmenen vuen päästä puolet Ruottin energiasta pittää olla uusiutuvvaa.
• Otama framile strategiin bio-kaasua varten ja kansalisen tuen aurinko-energialle.
• Nostama määrätietosuutta siinä ette energiaa käytethään tehokhaamin, muumuassa
valkeitten sähkö-serttifikaatitten kautta.
• Ajama takkaa päästöjä (utsläpp), ei biilin-ajajia. Otama käythöön super-
miljööbiilipalkkion ette saama framile useampia ajoneuoja joila oon rohki pienet päästöt.
• Vähenämmä kvääve-päästöjä – tehemä Itämeri ja Länsimeri (Västerhavet) vielä
puhthaamiksi.
• Kestävä mettäpruuki innostamalla maanomistajat luonon hoitamisheen.
• Kovenamma kemikaali- ja myrkytönmiljöö-vaatimuksia. Kielämä elohopean
(kvicksilver) EU:n sisälä.
• Rakenamma vihreitä ja kestäviä kaupunkia.
3