Жыццё і дзейнасць многіх выхадцаў з беларускіх земляў непарыўна звязана з Пецярбургам. Гэты горад можна лічыць адным з самых уплывовых цэнтраў беларускай культуры XIX – XX ст. Тут працавалі многія навукоўцы, літаратары, грамадскія дзеячы. Нагадаем імёны некаторых найбольш яскравых прадстаўнікоў беларускай інтэлігенцыі, якія жылі і працавалі ў Пецярбургу: Ян Баршчэўскі, Яўхім Карскі, Міхаіл Каяловіч, Янка Купала, Іван Насовіч, Аляксандр Сержпутоўскі, Браніслаў Тарашкевіч, Павел Шэйн, Браніслаў Эпімах-Шыпіла.