1. Эцэг эх, сурагчдад өгөх зөвлөгөө Олон үг улиг
Цөөн үг билэг
Үг бага тусмаа жинтэй
Зөв сайхан найраглан бичиж сурцгаая
Найруулга гэдэг бол жор юм. Жор нь таарсан бүтээгдэхүүн амттай чанартай сэтгэлд нийцтэй
байдаг. Үүнтэй нэг адил аливаа хэлийг эзэмшсэн чадвар нь тухайн тухайн хэлний хэрэглүүрийг
зөв ашиглан зөв зохистой, системтэй товч тодорхой, ойлгомжтой , бүрэн төгс найруулан бичиж
сурах явдал юм.
Ийм учраас хэлзүйн дүрмийн мэдлэгтэй байж түүнийгээ найруулж буй зүйлдээ зөв сонголттой
ашиглаж чаддаг байхаас гадна аливаа алдаатай найруулгын алдааг таньж, засан сийрүүлэх
чадвартай байх ёстой. Сурагчдыг найруулгын алдаатай эх сэдэв дээр ажиллуулснаар өөрийнх нь
ажигллагддаг.
Өнөөгийн сонин сэтгүүлийн найруулга нь төгс бус байгаа нь найруулан бичигийн найруулга зүйн
мэдлэг дутмаг байгаатай холбоотой. Энэ нь Монгол хэл, уран зохиолын багш бид нарын хувьд
шийдвэрлэх тулгамдсан асуудал гэж ойлгогдож байдаг.
“ Найруулга зүйн үндсэн шаардлага, хэл найруулгын дүрэм горимыг зөрчсөний үр дагаврыг
найруулгын алдаа гэнэ. Найруулга зүйн шинжлэх ухаан нь санаа бодлоо илэрхийлэхдээ
тохируулан хэлний аль нэг хэрэглүүрийг төгс төгөлдөр сонгон найруулж чадсан эсэхийг
тодруулан судалдаг.
Ерөнхий шаардлага
−Ойлгомжтой
−Оновчтой /үг сонголт сайтай/
−Хураангуй
−Гоо зүй хийгээд учир зүйд нийцэхүйц
1.Дархан хотын галт тэрэгний буудал хүмүүс пиг дүүрэн. Галт тэрэг ирэхэд шинээр албанд
мордож байгаа шинэ дайчид хаалга руу адгуус амьтад шиг дайрцгаана.
Засвар: Дархан хотын төмөр замын буудал дээр хүмүүс дүүрэн цуглажээ. Галт тэрэг ирмэгц,
цэргийн албанаа мордогчид хаалга руу эмх замбараагүй хошууран дайрав.
2.Ноос ноолуурын холбоо
Засвар: Ноос ноолуурчдын холбоо
3.Тэрээр ярилцлага авах хүсэлтэйгээ хэлтэл дурамжхан байсан бөгөөд удаан ярилцсаны хэдхэн
асуултанд хариулт өгөхөөр болов.
Засвар: Ярилцлага авах хүсэлтийг минь тэрээр дурамжхан хүлээж авсан бөгөөд удаан шалсны
эцэст сая хэдэн асуултанд хариулт өгөхөөр болов.
4.Галын даатгал танд ашигтай.
Засвар: Галын даатгал танд хэрэгтэй.
5.Энэ тэнэг тоглоомд оролцож золиослогдохыг хэн хүсэх вэ дээ.
Засвар: Ийм тэнэг тоглоомын золиос болохыг хэн хүсэх вэ дээ.
6.Хошин жүжигчин байна гэдэг мэдрэмжтэй хүний ажил.
Засвар: Хошин жүжигчин байхад мэдрэмж их хэрэгтэй.